Dette for­slaget kjem på klingande bergensdialekt (Åsane må vite). Det er mi gode venninne Desta Marie Beeder som snakkar.

Vi prata på telefonen då eg fortalde at eg skulle treffe KK i Oslo. Å, det er stor stas. KK er bladet eg er vaksen opp med. Det låg på stovebordet til alle mammas venninner. Det er kvinnebladet med stor K. Eg kan ikkje tru at vesle Eli Kari skal få lov å være på framsida av KK!

Men så var det dette då, å foreslå noko så vilt som å skrive ei spalte. Nei, nei, no har Desta Marie gått frå sans og samling, det kan eg berre ikke foreslå. Det blir for mykje. Det går vel ikkje an? Det er slikt ein FÅR spørsmål om, ikkje noko ein SJØLV foreslår. Men eg lar det synke, og etter kvart som eg kjenner på det, så ­trur eg at Desta Marie har rett. Eg, som er opptatt av å ta brodden av tausheten rundt overgangsalderen og det faktum at vårt samfunn sjelden hyllar damer i min alder (fylte 50 år i mars). Få slutt på at kvinner på min alder på mange måtar vert usynlege. Sånn førti-­­og-ferdig, som ein seier.