Eli Kari Gjengedal:

- Ikkje la ­andre få snakke deg ned!

Har de høyrt historia om froskane som ville legge ut på fjelltur?

FOTO: Astrid Waller
FOTO: Astrid Waller Vis mer
Publisert

Det hadde seg slik at det ryktas i sivet rundt froskedammen at froskane hadde tenkt seg på søndagstur til fjells. Frå den våte myra si kunne dei nemleg skimte ein uimotståeleg fjelltopp i det fjerne. Nokon av froskane hadde ein draum om å ta seg opp dit for å sjå på utsikta. Kanskje kunne dei frå fjell­toppen sjå korleis myra deira heime låg i lendet? Etter kvart som praten gjekk, vart froskane ­einige om at dette skulle dei gjere, alle som ein! FOR eit eventyr det ville bli.

Dato for søndagsturen vart sett, og froskane byrja å glede seg. Men etter ei stund fekk dei andre dyra i skogen rundt froskedammen nyss i at froskane ville legge ut på ein hasardiøs tur til fjells. Det var langt og høgt opp til fjelltoppen. Ein byrja å kviskre og tiske om at det ikkje kom til å gå. Froskane kom til å tørke ut på vegen opp. Det var ikkje ein einaste sump i sikte opp mot fjellet. Det ­hadde harane og beveren nemleg fått vite av fuglane som fauk opp og ned frå fjelltoppen nesten kvar einaste dag. Det vart til slutt så ille med åtvaringar at til og med maurtua under furutreet ­bortom dammen byrja å rasle med lenkene. Dei gjekk nærast i tog opp og ned frå maurtua si for å seie at dette var galskap. Det enda til slutt med at froskane la planane sine på is. Dei fekk vente til hausten og sjå om lyngen vart våtare oppe i fjellsida.

Ikkje la ­andre få snakke deg ned

Da søndagen oppstod, var det ingen som kvekka rundt og var klare for tur. Bortsett frå ein frosk som labba i veg oppover. Han hadde for vane å forsova seg, så han tenkte ikkje over at dei andre froskane ikkje var å sjå på stien ut av myra. Frosken sette opp tempoet for å nå att dei andre, men då han kom opp på fjelltoppen og såg nedover mot myra si, skjøna han at dei andre ­froskena ikkje hadde teke turen likevel. Den einsame frosken kosa seg med ­utsikta før han glad og lykkeleg jumpa heim att. Det hadde seg slik at frosken som tok fjellturen aleine, var døv og ­hadde ikkje høyrt på dei som masa om at han ikkje ville klare det.

Moralen her folkens er: Har du ein draum eller eit mål du har sett deg, skal du ikkje la ­andre få snakke deg ned. Det er klart at ein bør lytte til velmeinte råd. Men det er ikkje sikkert at ein treng å følge alle råd som blir gitt. Å oppnå draumen sin, om det er stort ­eller smått, ­betyr ofte beinhardt arbeid. Er det viktig nok, er det verdt kvart einaste minutt og ­sekund med slit. Vi er i starten av eit nytt år. Køyr på med draumen din, set han ut i livet. Møter du ­motstand, skal du ikkje gje deg. Hugs at dei aller fleste ­møter ein del stengte dører før ei brått åpnar seg. Gjennom vid åpen dør skal du då gå inn i det rommet som er eitt steg nærare målet ditt. Hugs at du er din ­eigen lykkes smed. Eg, til dømes, skal jobba vidare med min draum, så får vi sjå om eg får åpna den rette døra eller ikkje.

Hugs: «You never walk alone.»

Oppdag mer mote, livsstil og historier fra virkeligheten på KK.no

Følg på Instagram Abonner på KK magasinet

Vi bryr oss om ditt personvern

KK er en del av Aller Media, som er ansvarlig for dine data. Vi bruker dataene til å forbedre og tilpasse tjenestene, tilbudene og annonsene våre.

Vil du vite mer om hvordan du kan endre dine innstillinger, gå til personverninnstillinger

Les mer