Eli Kari Gjengedal:

- PANG så var hetetokta der igjen

Det å ha eit godt sovehjerte er ei gåve, spør du meg.

FOTO: Astrid Waller
FOTO: Astrid Waller Vis mer
Publisert

Lat att augo, og kjenn etter den nydelege følelsen du har når du vaknar etter ei god natt med herleg søvn. Den kjensla under dyna, når du kan snu deg rundt og klarar å sove bitte litt lenger på ein laurdagsmorgon, er ubeskriveleg. I alle fall for dei som kanskje ikkje har opplevd den følelsen på ei stund.

Overgangsalderen tuklar med mykje. Også søvnen vår. Mange slit med sov­inga, og det igjen gjer noko med livskvaliteten. Årsaka til dårleg søvn er kort fortalt hormon­svingningar. Dei merkar vi ­mellom anna gjennom desse forbaska hete­toktene. Veit du at når du stille og roleg heilt utan anelse søv din skjønnaste søvn, kjem hetetokta som eit mareritt over deg. Inne i hjernen din lyser det opp eit skarpt lys, nesten som ein svær satellitt på nattehimmelen når solstrålane treff der ute i rommet. Ei bølge med adrenalin vekker deg og hjernen din opp. Bølga produserer sveitte og endrar kroppstemperaturen din slik at kroppen din også vert påverka.

PANG så var hetetokta der igjen

Det er vanskeleg å sovne igjen umiddelbart. ­Adrenalinet treng tid til å roe seg ned så du finn fred og får sove igjen. Når du så ligg der og ventar på ro i kropp og sjel, kvernar tankane. Det er alt mellom himmel og jord som fer gjennom hovudet. Nokon gonger er det svært så kreativt, andre gonger destruktivt. Ein byrjar å bekymre seg over det eine og det ­andre. Det er skummelt.

Når eg set i gong med negative tankerekker, så ­jobbar eg på spreng med å flytte tankane mine over på noko som er konstruktivt. Nokre gonger tenkjer eg på mat. Eg lagar svære menyar inne i hovudet mitt. Eg strekkjer meg til heile fem rettar med tilbehør. Eg kan bli så mett berre av tanken på torsk med bacon, ­kyllinglår og potetstappe med masse smør at eg ikkje orkar frukost neste morgon. Eller ­motsett, eg er så svolten at eg steiker meg pannekaker med masse bacon før fuglane har starta å kvitre.

Andre gonger planlegg eg full rein­gjering av kåken. Her hin dagen såg eg for meg korleis eg flytta den svære sofaen min modul for modul ut på golvet og sugde inn i støvsugaren lodne hybelkaninar så store som årsgamle, krøllete lam. Eg formeleg høyrde «svupp, svupp»-lyden i støvsugarrøyret. Hadde det ikkje vore for dei store hybelkaninane, ville eg ­kanskje sovna att. Men eg kvapp slik av lydane i støvsugaren at eg måtte begynne på nytt. Då sette eg i gong å tenkje på kjolane mine. Rangerte dei ein for ein, gav dei ternigkast i reinaste Se og hør-stil. Eg enda opp med utruleg mange seksarar på den knallraude terningen. Då sovna eg med eit stor smil rundt ­munnen og drøymde meg vekk i tyll og sjampanje. Dansa meg inn i sumarnatta og ned på stranda. Brått var det 35 grader i skuggen der nede på stranda, og eg hadde den svarte ullkjolen min på. Fader heller, her vart det varmt.

PANG så var hetetokta der igjen. Vaken som ein spion på vakt ser eg inn i kvisthola i veggen på soverommet mitt … og det er på’an igjen, som Jan Eggum synger så fagert. Gje meg tilbake den gode søvnen min, kjære overgangsalder. Då ville eg blitt litt meir glad i deg. Sov godt folkens.

Oppdag mer mote, livsstil og historier fra virkeligheten på KK.no

Følg på Instagram Abonner på KK magasinet

Vi bryr oss om ditt personvern

KK er en del av Aller Media, som er ansvarlig for dine data. Vi bruker dataene til å forbedre og tilpasse tjenestene, tilbudene og annonsene våre.

Vil du vite mer om hvordan du kan endre dine innstillinger, gå til personverninnstillinger

Les mer